Ari nya, sida nemu penusah ke nuntung rayat kelebih agi sida ke diau ba menua pesisir
KUCHING: Perintah patut meri peluang sereta ninga penemu rayat ngambika nemu peminta rayat, lalu berindik ari nya perintah ulih meri bantu kelebih agi ngagai sida ke diau ba menua pesisir, pia ku Tuai Indu Parti Pesaka Bumiputera Bersatu (PBB) Senator Dato Sri Empiang Jabu.
Nitihka padah iya, diatu rayat menua pesisir ba Sarawak agi tinggai ari belakang nya alai iya minta perintah Barisan Nasional (BN) terus majak numbuhka pemansang infrastruktur baka Tadika, Klinik sereta Palan Pengelandik Jari kelimpah ti meri ai beresi, elektrik, ICT enggau ke bukai.
“Berindik ari tuju ati perintah ke bisi tanggung pengawa sereta ngereja pengawa enggau tampak, tuju kitai deka ‘mentransformasi’ rayat kena nyapai penatai pemisi (ekonomi) ke tinggi,” ku iya madah lebuh ke bejaku ba pengawa gempuru PBB ditu kemari.
“Tu disukung nengah ‘Dasar Pimpinan Politik Pembangunan’ ke diatu ti meri pemansang ba menua Sarawak baka nengah Koridor Kuasa Tau Diguna Baru Sarawak (SCORE),Halal Hub ba Tanjung Manis, Rurak Growth Centres (RGCs), program ngemunaska penyeranta enggau ke bukai,” ku iya.
Empiang ngarapka perintah BN menua terus meri pemansang ba Sarawak lalu meri ungkup ba belanja nengah Atur Pemansang Malaysia Lumpar Kesepuluh (RMKe-10) enggau RMKe-11 kena ngatur mayuh macham projek ba menua pesisir.
Tu meri peluang ngagai rayat menua pesisir kelebih agi ba menua Sarawak ke mayuh bansa Bumiputera ke agi tinggal jauh ari segi ekonomi, sekula tauka pelajar, ICT enggau infrastruktur ke bukai,” ku iya
0 comments:
Post a Comment