KUCHING: Menteri Rampa Menua enggau Pengerai Mensia Mayuh, Dato Sri Wong Soon Koh minta bala kaunsilar nulung perintah Barisan Nasional (BN) nanamka penemu niri negika perintah dalam raban bansa.Ku iya, rayat ba menua tu patut selalu diirika enggau penemu ti talukka perintah ngambika sida lalu terus ensepi pengel ant ang da l am pengidup.
“Kita semua nemu semina perintah BN aja ulih ngaduka rayat ba menua tu lalu enggau nya mensia mayu patut terus meri sukung ti enda belampung ati ngagai parti perintah tu.
“Bala kaunsilar mega nemu semian BN ulih mai pemansang ngagai menua tu, lalu enggau nya kaunsila patut bebendar bejalai meri penerang ngagai rayat awakka sida enda teparuk lalu limpang ari runding ke tau mai penusah ngagai pengidup sida dudi ila,” ku iya.
Wong bejaku munyi tu lebuh bejadika pengerami Ngangkat Sumpah Kunsilar ke Kunsil Kandang Nengeri Padawan (MPP) ba opis kunsil nya ditu, kemari.
Sama datai ngulu pengerami tu iya nya, Seketari Tetap Opis Menteri Rampa Menua enggau Pengerai Mensia Mayuh, Dr Penguang Manggil.
Bisi 26 iku kaunsilar ti betuaika Chermin MPP, Tan Joo Phoi ngankat sumpah mangku pengawa sida ba bagi timpuh 2010 ngagai 2011.
MPP bisi 27 iku kaban kunsila lalu siku agi ari Parti Rayat Sa’ati Sarawak (SUPP) deka dipadu lalu deka ngangkat sumpah enda lama agi.
Wong kelimpah ari nya mega ngelalau bala kaunsilar ari MPP tu ngambika sida taluk ngagai pengawa diri kena ngemansangka kandang menua Padawan.
Ku iya, tanggung pengawa kaunsilar makin hari makin mar lalu ke taun tu sereta maya ti deka datai sida tu mayuh agi tanggung pengawa.
“Ba taun tu lalu ba maya ti deka datai perintah deka meda bala kaunsila sama enggau ngelanggurka pemansang ba kandang menua pegai sida, lalu sida mesti deka berati nama utai ti patut dikereja sereta tau mai penguntung ngagai menua tu lalu mensia mayuh,” ku iya.
Wong madahka tanggung pengawa tu iya baka ngemanah sereta pemeresi kandang menua ti pegai sida.
Ba jaku iya tu dia iya madahka opis menteri iya bisi nerima langgur belanja RM28.3 juta ari perintah besai kena ngemansangka kandang menua ti dipegai kunsil kandang nengeri sereta pelilih menua.
Tan lebuh ti bejaku ba pengerami tu mai bala kaunsila ti dipegai iya sama angkun ngereja pengawa.
Dalam jaku iya, Tan mega madahka MPP udah ngelanggurka Pelin Pemansang MPP 2010-2015.
Ku iya pelin tu deka ngena nentuka pemansang MPP dalam timpuh enam taun ti deka datai.
Tan kelimpah ari nya madahka bala pengereja pengawa ba kaunsil nya mega udah besedia deka napi pemar ti tau nuntung sida lebuh ti bejalaika pengawa ngemansangka kandang menua dipegai sida ba maya ti deka datai.
0 comments:
Post a Comment