SRI AMAN: Rayat menua pesisir menua tu dilalau ngambika enda mudah ninga penemu sebubu ari orang sekeda ti nguji ngelaban perintah lebuh maya bepilih diatur enda lama agi, pia ku Kaban Parlimen Sri Aman Masir Kujat.
Seliahka bala sida ke kekuchah minta sukung ke guna sida empu
Ku iya, rayat menua pesisir enda patut ninga ke jaku sebubu laban nya siti chara sida iya minta sukung ti ke guna sida empu.
“Sida mantaika jaku sebubu lalu ngasut rayat nguna penerang ke enda betul pasal perintah Barisan Nasional (BN) Sarawak ngambika sida bulih sukung ari rayat maya bepilih ila.
“Enti nyema pekara nya bisi nyadi, mensia mayuh menua tu dipinta enda mudah ninga jaku asut sida iya laban nya nunjukka sida mega ngelaban perintah BN Sarawak,” ku iya.
Iya mansutka jaku nya lebuhka bejaku ba pengawa makai malam JKKK enggau bejadika Serakup Indu Dayak Sarawak (SIDS) Unit Ulu Sri Aman, ba Dewan Suarah ditu kemari.
Pengawa nya dipejadika Menteri Muda Dagang Temuai enggau Pesaka Tuai ke mega nyadi Menteri Muda Betanam Betupi ( Pansik enggau Atur) Mong Dagang.
Nambahka nya ku Masir, orang mayuh ti nyukung sida ti mansutka jaku sebubu nya mega nunjukka sida ngelaban perintah kelimpah ari ngenataika penanggul ba pekara pemansang perengka guna mensia mayuh sereta ngangkatka tikas pengidup rayat.
“Rayat menua tu patut beratika pemeri ari perintah ke ngatur mayuh macham projek pemansang enggau nyungkakka pendiau pengidup mensia mayuh,” ku iya ngujungka jaku, kemari.
Masir ngarapka rayat menua nya terus nyukung perintah BN Sarawak ti mayuh meri pemansang tang patut nyeliahka jaku sebubu ari ke dipansutka orang ke nyakal perintah.
Ba pengawa nya Masir ngungkupka penyampau RM3,000 ngagai SIDS Unit Ran Ulu ke guna Projek Kecil Luar Bandar (MRP).
0 comments:
Post a Comment