Pages

Ads 468x60px

Monday, March 29, 2010

Sepital baru deka digaga di Sri Aman

KUCHING: Sapit Menteri Bumai enggau Industri Betanam Betupi, Datuk Rohani Abdul Karim mansutka penerang ti madahka sebuah agi sepital baru nyangka deka digaga ba menua bagi Sri Aman.

Ku iya, enti pengawa ti deka numbuhka sepital tu mujur dipejalaika, dia nengeri tu deka bisi siti sepital ti baru enda lama agi.

Rohani mansutka jaku tu ngagai pengarang berita udah ti ngulu aum Kaban Kunsil Nengeri enggau Kaban Parlimen Barisan Nasional Sarawak ti diatur ba Indu Opis Parti Pesaka Bumiputera Bersatu Sarawak (PBB) ditu kemari.

Rohani mansutka penerang tu lebuh ti nusi berita diri dipasukka ba sepital nya malam ari Lima.

Sapit menteri tu udah dipasukka ngagai Sepital Sri Aman udah bekau iya ti enda nemu diri udah ke bejadika siti pengerami ba pelilih menua nya.

Iya dipasukka berubat ba sepital nya beberapa jam sebedau ti ditabanka ngagai Pusat Pakar Perubatan Normah di Kuching ditu.

“Sinu aku ninga pasal penanggul bekaul enggau sepital nya ti dijeritaka bala pengereja pengawa enggau sekeda orang ti benung berubat dia, udah aku ti ngeleda,” ku iya ti lalu ngajihka pengawa ti ngelanggur ngaga sepital baru ba pelilih menua nya tau mujur.

Lebuh ti ditemu mega, Rohani madahka diri berasai gerai taja pan baru pansut ari sepital besai ditu dalam urung pukul 8 pagi sebedau ti ngulu aum nya ke berengkah pukul 10 pagi pagi kemari.

“Nyangka kelalu lelak lalu kurang ngirup ai pelaba aku,” ku Rohani.

Ku iya, ba hari iya ti nemu diri nya iya madahka diri bisi lima iti program pengerami ba sitak Batang Lupar deka dipenyadika.

“Bisi kedua jauh lalu bisi mega semak,” ku iya.

Rohani taja pia endang ngetan madahka diri nadai penyakit lalu utai ti nyadi nya laban ketegal kurang ngirup ai sereta kelalu lelak.

“Gerai aku udah tu, lalu ka ngagai Kuala Lumpur laban deka ngulu Aum Parlimen,” ku iya lalu madahka diri enda minta pemisi laban lutor pan nadai ngelalau iya ngasuh belelak.

Berita tu mega nyukung penemu perintah ke semampai deka meri pemansang ngagai mensia mayuh ba menua pesisir ngambika enda tinggal jauh ari belakang tang sama ngasaika pemansang baka ke dikembuan orang di nengeri.

Kaban Kunsil Nengeri (ADUN) Bekenu, Rosey Yunus madahka perintah nadai kala enda bedulika pendiau pengidup rayat menua pesisir kelebih agi sida ti kurang penatai pemisi enggau seranta.

0 comments:

Post a Comment